News

జమ్మికుంట: అక్టోబర్ 25, 26 తేదీల్లో హైదరాబాద్ ఇందిరాపార్క్ వద్ద సీఐటీయూ ఆధ్వర్యంలో నిర్వహించే ధర్నాను జయప్రదం చేయాలని జిల్లా సహాయ కార్యదర్శి కొప్పుల శంకర్ పిలుపునిచ్చారు. ఈ సందర్భంగా జమ్మికుంటలో గోడ పోస్టర్ ఆవిష్కరించారు. నాలుగు లేబర్ కోడ్లను రద్దు చేయాలని, ప్రభుత్వ రంగ సంస్థలను పరిరక్షించాలని, పీఆర్సీ, డీఏ అమలు చేయాలని, కార్మికులకు రూ.30 వేల కనీస వేతనం, సామాజిక భద్రత కల్పించాలని డిమాండ్ చేశారు. కార్యక్రమంలో సీఐటీయూ నాయకులు పాల్గొన్నారు.

జమ్మికుంట: ఇందిరానగర్‌లో త్వరలో ప్రారంభం కానున్న THE TREE HOUSE – Cafe Bistroలో మహిళా ఉద్యోగుల నియామకానికి అవకాశాలు ఉన్నాయి. Receptionist cum Billing, Welcoming Girls, Kids Activity Coordinator (ఆదివారం మాత్రమే) తదితర పోస్టులకు అభ్యర్థులు కావాలి. ఉద్యోగులకు నిర్దేశిత డ్రెస్ కోడ్ తప్పనిసరి. ఆసక్తి ఉన్న వారు 7331115042, 9493263879 నంబర్‌కు కాల్ చేసి వివరాలు తెలుసుకోవాలని నిర్వాహకులు తెలిపారు.

జమ్మికుంట ప్రభుత్వ డిగ్రీ కళాశాల మైదానంలో సద్దుల బతుకమ్మ వేడుకలు ఘనంగా నిర్వహించారు. మున్సిపల్ చైర్మన్ మొలుగు ప్రశాంత్ కుమార్ దిలీప్ అక్కాచెల్లెళ్లతో కలిసి బతుకమ్మ ఆడిపాడారు. పట్టణంలోని 30 వార్డులకు గాను 18 ప్రాంతాల్లో మహిళల కోసం ప్రత్యేక ఏర్పాట్లు చేసినట్లు తెలిపారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మను మహిళలు ఆనందోత్సాహాలతో జరుపుకున్నారు. కార్యక్రమంలో వైస్ చైర్మన్ ముంతాజ్ అలీ జావేద్, కౌన్సిలర్లు పాల్గొన్నారు.

జమ్మికుంట: విజయదశమి పర్వదినాన్ని పురస్కరించుకుని జమ్మికుంట లోకల్ ప్రేక్షకులు, పాఠకులు, అభిమానులకు దసరా శుభాకాంక్షలు. చెడుపై మంచి సాధించిన విజయానికి ప్రతీకగా జరుపుకునే ఈ పండుగ ప్రతి కుటుంబంలో సంతోషం, శాంతి, ఆరోగ్యం, ఐశ్వర్యాన్ని నింపాలని జమ్మికుంట లోకల్ ఆకాంక్షిస్తోంది. అమ్మవారి ఆశీస్సులతో అందరి జీవితాల్లో విజయాలు, అభివృద్ధి చేకూరాలని కోరుకుంటూ హ్యాపీ దసరా!

జమ్మికుంట: పట్టణంలోని పద్మశాలి వీధిలో సుభాష్ యూత్ ఆధ్వర్యంలో జరుగుతున్న దేవీ నవరాత్రి ఉత్సవాలు 25 ఏళ్లు పూర్తి చేసుకున్న సందర్భంగా నిత్య అన్నదానం నిర్వహిస్తున్నారు. ఈ సత్కార్యానికి YuppTV, Turito అధినేత పాడి ఉదయ్ నందన్ రెడ్డి రూ.51,116 విరాళం అందించారు. మున్సిపల్ చైర్మన్ ప్రశాంత్ కుమార్ ఆయనకు కృతజ్ఞతలు తెలిపారు. కార్యక్రమంలో సుభాష్ యూత్ ప్రతినిధులు, కమిటీ సభ్యులు, పాడి ఉదయ్ నందన్ రెడ్డి బృందం పాల్గొన్నారు.

హుజురాబాద్: ప్రజా పాలన పేరుతో ప్రజలపై ఆర్టీసీ చార్జీల భారం మోపడం సరికాదని సీపీఎం హుజురాబాద్ మండల కార్యదర్శి కొప్పుల శంకర్ అన్నారు. హుజురాబాద్ నుంచి కరీంనగర్ ప్రయాణికులపై పెంచిన బస్ చార్జీలను వెంటనే తగ్గించాలని డిమాండ్ చేశారు. కొత్తగట్టు టోల్ భారం ప్రభుత్వమే భరించాలని, ప్రయాణికులపై మోపవద్దని కోరారు. చార్జీలు తగ్గించకపోతే ప్రజాగ్రహాన్ని ప్రభుత్వం ఎదుర్కోవాల్సి వస్తుందని హెచ్చరించారు. కార్యక్రమంలో పార్టీ నాయకులు పాల్గొన్నారు.

జమ్మికుంట పట్టణంలో గరుడ వస్త్ర సిల్క్స్ నూతన షోరూమ్ ప్రారంభమైంది. జక్క రఘునందన్ రెడ్డి, హువినబై అనంత రెడ్డి, జక్క శమంతక మణి, జక్క మనీషా, జక్క శ్రేయ యజమానులుగా ఉన్నారు. నాగర్‌కర్నూల్ స్వస్థలంగా కలిగిన ఈ సంస్థకు జడ్చర్ల, భువనగిరి, వనపర్తి, జమ్మికుంటతో పాటు కర్ణాటకలోని యాదగిరి, షహాపూర్‌లో శాఖలు ఉన్నాయి. నాణ్యమైన సిల్క్, చీరలు, వివిధ రకాల వస్త్రాలు అందుబాటులో ఉంటాయని నిర్వాహకులు తెలిపారు.

కేశవపురం: జమ్మికుంట మండలం కేశవపురంలోని శ్రీ విద్యారణ్య ఆవాస విద్యాలయంలో శ్రీ సరస్వతీ విద్యాపీఠం ఆధ్వర్యంలో 5 రోజులుగా నిర్వహించిన ప్రాంత స్థాయి ఘోష్ వర్గ ఘనంగా ముగిసింది. ప్రారంభోత్సవంలో తక్కెళ్లపల్లి తిరుపతిరావు, సమారోప్‌లో అఖిల భారతీయ సంఘటన మంత్రి శ్రీరామ్ ఆరావర్‌కర్ పాల్గొన్నారు. 243 మంది విద్యార్థులు, 59 మంది ఆచార్యులు శిక్షణలో పాల్గొన్నారు. ఘోష్ శిక్షణతో క్రమశిక్షణ, ఏకాగ్రత, సమన్వయం, దేశభక్తి పెంపొందుతాయని వక్తలు తెలిపారు.

జమ్మికుంట మండలంలోని 9 గ్రామాల్లో రూ.8 లక్షల విలువైన 17 సీఎంఆర్ఎఫ్ చెక్కులను హుజురాబాద్ కాంగ్రెస్ నియోజకవర్గ ఇంచార్జి వొడితల ప్రణవ్ లబ్ధిదారుల ఇళ్లకు వెళ్లి పంపిణీ చేశారు. ప్రజా సమస్యల పరిష్కారానికి కృషి చేస్తామని తెలిపారు. అనంతరం పలు గ్రామాల్లో దుర్గామాత మండపాలను సందర్శించి ప్రత్యేక పూజలు నిర్వహించారు. ప్రజలందరూ సుఖసంతోషాలతో ఉండాలని అమ్మవారిని ప్రార్థించినట్లు తెలిపారు.

జమ్మికుంట తహసీల్దార్ గడ్డం సుధాకర్ ఆదేశాల మేరకు గిర్థవర్ గడ్డం శంకర్ పోలింగ్ స్టేషన్లను పరిశీలించారు. ఈ సందర్భంగా అక్టోబర్ 15, 16 తేదీల్లో నిర్వహిస్తున్న స్పెషల్ క్యాంపెయిన్ డేలో భాగంగా BLOలు తమ పోలింగ్ కేంద్రాల్లో ఓటర్ జాబితాలతో అందుబాటులో ఉంటారని తెలిపారు. కొత్త ఓటర్లు నమోదు చేసుకోవడంతో పాటు, జాబితాలో తప్పులు ఉంటే ఫారం-7, ఫారం-8 ద్వారా సరిచేసుకునే అవకాశం ఉందన్నారు. ప్రజలు ఈ అవకాశాన్ని సద్వినియోగం చేసుకోవాలని కోరారు. కార్యక్రమంలో సంబంధిత BLOలు […]