News

కరీంనగర్ జిల్లా | జమ్మికుంట: హనుమకొండలోని ప్రసిద్ధ శ్రీ భద్రకాళి ఆలయ కమిటీ పాలకవర్గ సభ్యుడిగా జమ్మికుంటకు చెందిన పేరాల శ్రీనివాసరావు ఎన్నికయ్యారు. ఈ సందర్భంగా సీఎం రేవంత్ రెడ్డితో పాటు రాష్ట్ర మంత్రులు, ఎమ్మెల్యేలకు ఆయన కృతజ్ఞతలు తెలిపారు. అమ్మవారి ఆలయ అభివృద్ధి, భక్తులకు మెరుగైన సౌకర్యాల కల్పనకు తన వంతు కృషి చేస్తానన్నారు. శ్రీనివాసరావుకు కీలక బాధ్యత లభించడంతో జమ్మికుంటలో హర్షం వ్యక్తమవుతోంది.

జమ్మికుంట ఎంప్లాయీస్ కాలనీలో ఈ రోజు ఎండి. జైన్ అర్ష్ (13) తన పుట్టినరోజు వేడుకలను ఆనందంగా జరుపుకుంటున్నారు. ఈ సందర్భంగా జైన్ అర్ష్‌కు జమ్మికుంట లోకల్ తరపున హృదయపూర్వక పుట్టినరోజు శుభాకాంక్షలు. ఆయురారోగ్యాలతో, సుఖసంతోషాలతో, విద్యలో ఉన్నత శిఖరాలను అధిరోహిస్తూ భవిష్యత్తులో మరెన్నో విజయాలు సాధించాలని ఆకాంక్షిస్తున్నాము. మీ పుట్టినరోజున జమ్మికుంట లోకల్ ద్వారా శుభాకాంక్షలు తెలియజేయాలనుకునే వారు, మీ పేరు, ఊరు, పుట్టిన తేదీ, ఫొటోను కనీసం నాలుగు రోజుల ముందు iconcomputers.jk@gmail.com కు […]

జమ్మికుంట రూరల్ సెక్షన్ కార్యాలయంలో ఈ నెల 9న విద్యుత్ వినియోగదారుల ఫిర్యాదుల పరిష్కార వేదిక (CGRF–1, వరంగల్) ఆధ్వర్యంలో సమస్యల పరిష్కార సమావేశం నిర్వహించనున్నట్లు చైర్‌పర్సన్ కె. మాధవరావు తెలిపారు. ఉదయం 10:30 నుంచి మధ్యాహ్నం 1 గంట వరకు జరిగే సమావేశంలో జమ్మికుంట, ఇల్లంతకుంట, వీణవంక మండలాల వినియోగదారులు విద్యుత్ బిల్లులు, మీటర్లు, సరఫరా, కొత్త కనెక్షన్లు తదితర సమస్యలను నేరుగా ఫోరం దృష్టికి తీసుకురావచ్చన్నారు. సంబంధిత పత్రాలతో హాజరై అవకాశాన్ని సద్వినియోగం చేసుకోవాలని […]

ఇల్లందకుంట మండలం బూజునూరు గ్రామానికి చెందిన మచ్చర్ల మొగిలి అనారోగ్యంతో ఆసుపత్రిలో చికిత్స పొందుతున్న విషయం తెలుసుకున్న హుజురాబాద్ కాంగ్రెస్ నియోజకవర్గ ఇన్‌చార్జి వొడితల ప్రణవ్ వెంటనే స్పందించారు. అధికారులతో మాట్లాడి రూ.1,75,000 విలువైన ఎల్‌ఓసీని మంజూరు చేయించారు. కష్ట సమయంలో అండగా నిలిచిన ప్రణవ్‌తో పాటు కాంగ్రెస్ ప్రభుత్వం, ముఖ్యమంత్రి, మంత్రులకు బాధిత కుటుంబ సభ్యులు కృతజ్ఞతలు తెలిపారు. స్థానిక కాంగ్రెస్ నాయకులు పాల్గొన్నారు.

ఓటు చోరీ అంశంపై ఏఐసీసీ పిలుపు మేరకు ఇండియా కూటమి ఆధ్వర్యంలో కరీంనగర్‌లో భారీ నిరసన నిర్వహించారు. ఇందిరా చౌక్ నుంచి కలెక్టరేట్ వరకు ర్యాలీ చేపట్టిన నాయకులు, అనంతరం కలెక్టర్‌కు వినతిపత్రం అందజేశారు. ఈ సందర్భంగా హుజురాబాద్ నియోజకవర్గ ఇన్‌చార్జ్ వొడితల ప్రణవ్ మాట్లాడుతూ ప్రజల మద్దతు లేకనే బీజేపీ ఓటు చోరీకి పాల్పడుతోందని ఆరోపించారు. సీఈసీ జ్ఞానేష్ కుమార్ తీరుపై చర్యలు తీసుకోవాలని డిమాండ్ చేశారు. కాంగ్రెస్, వామపక్షాల నాయకులు పాల్గొన్నారు.

జమ్మికుంట పట్టణంలో దిడ్డి సుధాకర్ సతీమణి శ్రీదేవి ప్రథమ వర్ధంతి కార్యక్రమం నిర్వహించారు. కార్యక్రమానికి మున్సిపల్ చైర్మన్ మొలుగు ప్రశాంత్ కుమార్ దిలీప్ హాజరై శ్రీదేవి చిత్రపటానికి పూలమాల వేసి నివాళులర్పించారు. ఈ సందర్భంగా కుటుంబ సభ్యులను పరామర్శించి సానుభూతి తెలిపారు. కార్యక్రమంలో దిడ్డి రాము, పొరండ్ల శ్రావణ్, గడ్డం దీక్షిత్, శ్రీనివాస్ తదితరులు పాల్గొన్నారు.

జమ్మికుంట ఆబాది 14వ వార్డులో ప్రజల సౌకర్యార్థం హైమాస్ట్ లైట్ ఏర్పాటుకు మున్సిపల్ చైర్మన్ మొలుగు ప్రశాంత్ కుమార్ దిలీప్ భూమిపూజ చేశారు. ఈ సందర్భంగా ఆయన మాట్లాడుతూ పాలకవర్గం ఏర్పడినప్పటి నుంచి ప్రజలకు అందుబాటులో ఉంటూ వారి సంక్షేమమే లక్ష్యంగా అభివృద్ధి కార్యక్రమాలు చేపడుతున్నామని తెలిపారు. కార్యక్రమంలో కౌన్సిలర్ మైస శిరీష రవి, మాజీ కౌన్సిలర్ దయ్యాల శ్రీనివాస్, జక్కే రవీందర్, పొడేటి అనిల్, పంజాల అనిల్, తదితరులు పాల్గొన్నారు.

గాంధీ జయంతిని పురస్కరించుకుని జమ్మికుంటలో బ్రహ్మకుమారీస్ (ఓం శాంతి) ఆధ్వర్యంలో అవగాహన సమావేశం నిర్వహించారు. మున్సిపల్ చైర్మన్ మొలుగు ప్రశాంత్ కుమార్ దిలీప్ పాల్గొని మాట్లాడుతూ ఆధ్యాత్మికత, యోగా, మంచి అలవాట్లు, కుటుంబం, సమాజం పట్ల బాధ్యతపై అవగాహన కల్పించాల్సిన అవసరం ఉందన్నారు. మత్తు పదార్థాలు, చెడు అలవాట్లకు దూరంగా ఉండాలని ప్రతిజ్ఞ చేయించారు. మున్సిపల్ కార్మికులను సత్కరించి, వారికి సహకరించిన బ్రహ్మకుమారీస్‌ను అభినందించారు. కమిషనర్ గుట్టల మల్లికార్జున స్వామి, కౌన్సిలర్లు పాల్గొన్నారు.

జమ్మికుంట: పట్టణంలో గాంధీ జయంతి వేడుకలు ఘనంగా నిర్వహించారు. కార్యక్రమానికి కేంద్ర సహాయ మంత్రి బండి సంజయ్ కుమార్ హాజరయ్యారు. మున్సిపల్ చైర్మన్ మొలుగు ప్రశాంత్ కుమార్ దిలీప్, కౌన్సిలర్లతో కలిసి మహాత్మా గాంధీ విగ్రహానికి పూలమాలలు వేసి నివాళులర్పించారు. అనంతరం పట్టణ అభివృద్ధి పనులకు ఎంపీ నిధులు కేటాయించాలని బండి సంజయ్‌ను కోరారు. దీనిపై ఆయన సానుకూలంగా స్పందించినట్లు చైర్మన్ తెలిపారు. ప్రజాప్రతినిధులు, నాయకులు పాల్గొన్నారు.

సిగ్మా అకాడమీ ఆఫ్ ఫోటోగ్రఫీ నిర్వహించిన జాతీయస్థాయి వెడ్డింగ్ ఫోటోగ్రఫీ పోటీలో జమ్మికుంటకు చెందిన ఫోటోగ్రాఫర్ విజయగిరి రాంబాబు ‘సర్టిఫికెట్ ఆఫ్ మెరిట్’ అవార్డుకు ఎంపికయ్యారు. హైదరాబాద్‌లో జరిగిన కార్యక్రమంలో సిగ్మా అకాడమీ ప్రతినిధులు అవార్డును అందజేశారు. నాలుగు దశాబ్దాలుగా ఫోటోగ్రఫీ రంగంలో కొనసాగుతున్న రాంబాబు తెలంగాణ సంస్కృతి, గిరిజన జీవనశైలి, ప్రకృతి అందాలను తన ఛాయాచిత్రాల్లో ఆవిష్కరిస్తున్నారు. ఆయనకు పలువురు ఫోటోగ్రాఫర్లు అభినందనలు తెలిపారు.