ఆర్టీసీ పెంచిన చార్జీలు తగ్గించాలి

హుజురాబాద్: ప్రజా పాలన పేరుతో ప్రజలపై ఆర్టీసీ చార్జీల భారం మోపడం సరికాదని సీపీఎం హుజురాబాద్ మండల కార్యదర్శి కొప్పుల శంకర్ అన్నారు. హుజురాబాద్ నుంచి కరీంనగర్ ప్రయాణికులపై పెంచిన బస్ చార్జీలను వెంటనే తగ్గించాలని డిమాండ్ చేశారు. కొత్తగట్టు టోల్ భారం ప్రభుత్వమే భరించాలని, ప్రయాణికులపై మోపవద్దని కోరారు. చార్జీలు తగ్గించకపోతే ప్రజాగ్రహాన్ని ప్రభుత్వం ఎదుర్కోవాల్సి వస్తుందని హెచ్చరించారు. కార్యక్రమంలో పార్టీ నాయకులు పాల్గొన్నారు.